სამართალწარმოების პროცესში ჩადენილი დანაშაულის გამოძიების დეპარტამენტის ხელმძღვანელის,  ირაკლი ნადარეიშვილის  განცხადებით, გამომცემლობა „სამშობლოს" საქმე უახლოეს პერიოდში გაიხსნება და მას თავად ნადარეიშვილი უხელმძღვანელებს. ამის შესახებ ირაკლი ნადარეიშვილმა გაზეთ „ასავალ-დასავალთან" ისაუბრა.

„-2007 წლის 110 აგვისტოს, ღამის 2 საათზე, სააკაშვილის მანქურთებმა დაარბიეს გამომცემლობა „სამშობლო", საიდანაც გამოაძევეს ასზე მეტი რედაქცია, დალეწეს ტექნიკა, ავეჯი, გაანადგურეს წიგნები... დაუბრუნდება თუ არა „სამშობლო" მასმედიას?

- ვერ მოგატყუებთ, ამ საქმეს მე არ ვიცნობ... დღეს ვის ეკუთვნის გამომცემლობის შენობა?

- თავიდან ამბობდნენ, კოდუებმა იყიდესო... მერე თქვეს, ბენდუქიძემ დაისაკუთრაო... კაზინო „აჭარა-ბეთზეც" საუბრობდნენ... ახლა იქ თითქოს სასტუმრო „ინტერკონტინენტალს" ხსნიან...

- სავარაუდოდ, ეს საქმე გამოთხოვილი იქნება და მე აუცილებლად საგანგებოდ ჩავინიშნავ გამომცემლობა „სამშობლოს" საქმეს!"- აღნიშნავს ირაკლი ნადარეიშვილი.

http://reportiori.ge/