„ამ ხელისუფლებამ გადადგა ძალიან სწორი ნაბიჯები, რასაც გადადგამდა საქართველოს ყველა პატრიოტული ხელისუფლება“, - მის შესახებ საგარეო საქმეთა ყოფილმა მინისტრმა და „ნაციონალური მოძრაობის“ ექს-თავმჯდომარემ  გრიგოლ ვაშაძემ საქართველოს ხელისუფლების მიერ რუსეთ-უკრაინის ომთან დაკავშირებით, რუსეთის წინააღმდეგ გადადგმულ ნაბიჯებზე განაცხადა.

მისივე თქმით, მიუხედავად იმისა, რომ ჩვენი უკრაინელი მეგობრები უკმაყოფილო არიან, რაც საქართველოს ხელისუფლების მხრიდან გაკეთდა ამაზე უნდა ვისაუბროთ.

„საქართველოს ხელისუფლებამ პირველი, უკრაინის მხარდამჭერ რეზოლუციას გენერალურ ასამბლეაზე დაუჭირა მხარი. რუსეთის გარიცხვას ევროპის საბჭოდან დაუჭირა მხარი. დიდი ბრიტანეთის ინიციატივას, რომ გაეროს სასამართლოში რუსეთის წინააღმდეგ აღძრულიყო საქმე იმის გამო, რუსეთის ფედერაციამ განახორციელა საერთაშორისო სამართლის სრული დარღვევით უკრაინის წინააღმდეგ აგრესია, დაუჭირა მხარი.

არ ვთქვათ ეს და ვთქვათ, რომ ეს არ გაუკეთებია საქართველოს ხელისუფლებას?! მაპატიეთ და ამის ართქმა ხომ იდიოტიზმია?! შეიძლება მეტი გააკეთოს? - ამისათვის უნდა გვქონდეს ზუსტად იმ ხარისხის და იმ რაოდენობის ინფორმაცია, რომელიც აქვს ხელისუფლებას. მე ეს ინფორმაცია არ მაქვს. ჩვენი უკრაინელი მეგობრები უკმაყოფილო არიან. ამასაც ხაზი უნდა გავუსვათ, მაგრამ ის, რაც გაკეთებულია, ამაზე უნდა ვთქვათ, რომ გაკეთებულია“, - განაცხადა ვაშაძემ გადაცემაში „თავისუფალი სივრცე“.

https://video.ftbs5-2.fna.fbcdn.net/v/t42.1790-2/276089668_157134710017007_7622897370785492707_n.mp4?_nc_cat=100&ccb=1-5&_nc_sid=985c63&efg=eyJybHIiOjMwMCwicmxhIjo1MTIsInZlbmNvZGVfdGFnIjoic3ZlX3NkIn0%3D&_nc_ohc=FpUEScPcNo8AX_I_oc1&tn=uzxhYZQUM8FCUZ33&rl=300&vabr=107&_nc_ht=video.ftbs5-2.fna&oh=00_AT_2X188txjXq06ZP6vg3n_-BEwXZAnicez5-esYeCblBw&oe=62399CCA