საფრანგეთში, მონპელიეში მიმდინარე ფიგურულ ციგურაობაში მსოფლიო ჩემპიონატზე კაცებმა მოკლე პროგრამა შეასრულეს. მათ შორის იყო ქართველი სპორტსმენი მორის ყვითელაშვილი, რომელიც საუკეთესო ათეულში მოხვდა. 

ყვითელაშვილმა მსაჯებისგან ​92,61 ქულა მიიღო და მე-7 ადგილს იკავებს, პირველზე კი 109.63 ქულით იაპონელი შომა უნოა. თავისუფალ პროგრამას კაცები 26 მარტს შეასრულებენ.

დღეს კი ტურნირზე სპორტული წყვილების შეჯიბრი დასრულდება, რომელშიც მოკლე პროგრამის შემდეგ ქართული წყვილი კარინა საფინა და ლუკა ბერულავა მე-4 ადგილს იკავებენ. მათი გამოსვლის პირდაპირი ტრანსლაციების ყურება ISU-ს ოფიციალურ Youtube-არხზეა შესაძლებელი შემდეგ ბმულზე: სპორტული წყვილები. თავისუფალი პროგრამა.