„ქართული ოცნების“ უმრავლესობამ „საკონსტიტუციო სასამართლოს შესახებ“ კანონში დაგეგმილი ცვლილებების პროექტის დაჩქარებული წესით განხილვის გადაწყვეტილება მიიღო.

შესაბამისი მოთხოვნით პარლამენტის ბიუროს, კანონის პროექტების ავტორებმა უკვე მიმართეს. საკითხზე დღეს ბიუროზე იმსჯელეს.

საკანონმდებლო ინიციატივას პარლამენტი მომავალ სასესიო კვირას სამივე მოსმენით განიხილავს და დაჩქარებული წესით მიიღებს.