თუ პუტინი უკრაინაში წარმატებას მიაღწევდა ეს იქნებოდა გაფორმება, რომ მსოფლიო საერთაშორისო ურთიერთობები უბრუნდება რეალპოლიტიკის რეჟიმს, სადაც მთავარი არის წამყვანი სახელმწიფოების ძალაუფლება და მცირე სახელმწიფოებს ბუფერული პოზიცია აქვთ და მათი სუვერენიტეტული უფლებები აბსოლუტურად უგულებელყოფილია, - ამის შესახებ „ჯეოქეისის“ თავდაცვისა და უსაფრთხოების მიმართულების დირექტორმა, გიორგი ანთაძემ „ქრონიკაში“ განაცხადა.

„სამყარო, სადაც მთავარია ძალა, სწორედ ამის შეჩერება მოხდა უკრაინაში და ეს თავისი მნიშვნელობით არა მხოლოდ ჩვენს გეოგრაფიულ რეგიონზე ახდენს გავლენას, არამედ პირდაპირ ჩინეთზე, სამხრეთ-აღმოსავლეთ აზიაზეც და ზოგადად, მთელი სამყაროს მომავალ გეოპოლიტიკურ ლანდშაფტზე იქონიებს გავლენას“, - განაცხადა გიორგი ანთაძემ.