ევროპარლამენტი აღიარებს საქართველოს, მოლდოვისა და უკრაინის განაცხადებს გაწევრიანების შესახებ, - ამის შესახებ ევროპარლამენტის პრეზიდენტი რობერტა მეცოლა TWITTER-ში წერს.

„საქართველოს პარლამენტის თავმჯდომარეს, შ. პაპუაშვილს შევხვდი. მისასალმებელია დიპლომატიური მხარდაჭერა უკრაინისადმი. ევროპარლამენტი აღიარებს საქართველოს, მოლდოვისა და უკრაინის განაცხადებს გაწევრიანების შესახებ. კანონის უზენაესობა, დამოუკიდებელი სასამართლო და ხელშესახები საპარლამენტო დიალოგი დემოკრატიისთვის აუცილებელი წინაპირობაა“, - წერს მეცოლა.