საქართველოს კულტურის, სპორტისა და ახალგაზრდობის სამინისტრომ კონკურსის „დოკუმენტური სამეცნიერო-პოპულარული კინოს ხელშეწყობა“ გამარჯვებული პროექტები გამოავლინა.

კულტურის სამინისტროს ინფორმაციით, გამარჯვებული პროექტებია:

1. „ანიმაციის თავგადასავალი საქართველოში“, განმახორციელებელი - ი/მ გიორგი ჭუმბურიძე;
2. „კლდეში ნაკვეთი ისტორია“, განმახორციელებელი - შპს კინოსტუდია ხომლი;
3. „ლელობურთის შთამომავლები“, განმახორციელებელი - ა(ა)იპ ეთნო-ფილმი;
4. „... მათ სხვა დრო წამოეწიათ“, განმახორციელებელი - ი/მ გიორგი მოლოდინაშვილი;
5. „ქართული ინჟინერიის შედევრები“, განმახორციელებელი - შპს საპროდიუსერო სტუდია აკრობატი.

კონკურსის ჯამური ბიუჯეტი შეადგენდა 110 000 ლარს და მის ფარგლებში სამინისტროს 24-მა განმცხადებელმა მომართა.