რიო დე ჟანეიროში მიმდინარე ოლიმპიურ თამაშებზე ძიუდოში, 81 კგ-მდე წონით კატეგორიაში, ავთანდილ ჭრიკიშვილმა ნახევარფინალი დათმო და ბრინჯაოს მედლისთვის იბრძოლებს. ნახევარფინალში ჭრიკიშვილი ამერიკელ ტრევის სტივენთან იპონით დამარცხდა.

ბრინჯაოს მედლისთვის ბრძოლაში ავთოს მეტოქე ტაკანორი ნაკასე იქნება.

ქართველი ძიუდოისტი შეჯიბრში მეორე წრიდან ჩაება, სადაც ჯერ კუბელ ივან ფელიპე სილვა მორალესს სძლია იუკოთი, შემდეგ კი - სალვადორელ ხუან დიეგო ტურსიოსს გაფრთხილებების ხარჯზე აჯობა. 1/4-ფინალში ავთო იტალიელ მატეო მარკონჩინის შეხვდა და ვაზარ-იუკოთი მოუგო.