„თავი დაანებეთ გია ლორთქიფანიძის და სხვა ქართველი მოღალატეების ჭკუაზე სიარულს და საქართველოზე მსგავსი სიბინძურეების გავრცელებას“, - წერს საჯარო მმართველობის დოქტორი თამთა მეგრელიშვილი უკრაინის ვიცე-პრემიერის ირინა ვერეშჩუკის განცხადებაზე, რომლის თანახმად, საქართველო რუსეთს სანქციების ქვეშ მყოფი ტვირთების მიღებაში ეხმარება.

„ეს ადამიანი დღეს წარმოადგენს უკრაინის ხელისუფლებას და ჩვენ ქვეყანას ბრალს სდებს წარმოუდგენლად ცუდ საქმეში, რაც ცალსახა ჭორია და ჰიბრიდული ომის ნაწილად შეგვიძლია განვიხილოთ. პირდაპირ მოვუწოდებ უკრაინის ხელისუფლების წარმომადგენლებს, თავი დაანებეთ გია ლორთქიფანიძის და სხვა ქართველი მოღალატეების ჭკუაზე სიარულს და საქართველოზე მსგავსი სიბინძურეების გავრცელებას, ძალიან ცუდად დაგიბრუნდებათ!“ - წერს მეგრელიშვილი Facebook-ზე.