ოზურგეთის მუნიციპალიტეტი ახალ პროექტში ერთვება - ამ მიზნით დღეს, ოზურგეთის მერი ავთანდილ თალაკვაძე, OGP Local-ის კოორდინატორთან, საკრებულოს აპარატის უფროსთან, ნანა თავდუმაძესთან ერთად სამოქალაქო საზოგადოების წარმომადგენლებს შეხვდა.

„მოქალაქეთა ჩართულობისა და თვითმმართველობის გამჭვირვალობის ინოვაციური მექანიზმები“ NDI-ის მხარდაჭერილი  პროექტია, რომლის განხორციელებასაც ადგილობრივ სამოქალაქო საზოგადოებასთან ერთად ვგეგმავთ.

სამოქალაქო საზოგადოების რეკომენდაციები დაგვეხმარება სწორად დავგეგმოთ მუნიციპალური პოლიტიკა. გადავდგათ მნიშვნელოვანი ნაბიჯები გამჭვირვალობის, ანგარიშვალდებულების, ღიაობისა და ახალი ტექნოლოგიების გამოყენების მიმართულებით, რაც OGP-ის ახალ ვალდებულებებშიც აისახება. მოხარული ვარ, რომ ოზურგეთი „ღია მმართველობის პარტნიორობის“ (OGP) ლოკალური პროგრამის წევრად გასულ წელს აირჩიეს“,- აღნიშნა ავთანდილ თალაკვაძემ.