უკრაინის გენერალური პროკურორის, ირინა ვენედიქტოვას თქმით, რუსეთის ჯარის გასვლის შემდეგ კიევის ოლქში 1 222 ცხედარია აღმოჩენილი. ამის შესახებ BBC წერს.

გამოცემის ინფორმაციით, უკრაინის მთავრობამ უკვე 5 600 საქმე გახსნა საომარი დანაშაულების გამოსაძიებლად, იდენტიფიცირებულია უკვე 500-ზე მეტი ეჭვმიტანილი.

ვენედიქტოვას თქმით, უკრაინულ მხარეს აქვს იმის მტკიცებულება, რომ ქალაქ კრამატორსკს სარკინიგზო სადგურზე ავიაიერიში, რის შემდეგადაც 50-ზე მეტი ადამიანი დაიღუპა, სწორედ რუსეთმა განახორციელა.