არასამთავრობო ორგანიზაცია „ყოფილი პოლიტპატიმრები ადამიანის უფლებებისთვის“ თავმჯდომარე ნანა კაკაბაძე სოციალურ ქსელში ეხმიანება სკანდალური შეხვედრის შესახებ გავრცელებულ ინფორმაციას, რომ „ნაციონალური მოძრაობის“ და რადიკალური ოპოზიციის მთავარ საკითხს ხელისუფლების დამხობის გეგმის შემუშავება წარმოადგენდა.

მისი თქმით უკრაინის მიმართ ზრუნვის და თავდადების იმიტაცია ძალაუფლების მიტაცების ჟინითაა ნაკარნახევი.

„ეს არის სახელმწიფო გადატრიალების მზადების მცდელობა. ეს აღელვებთ ნაციონალებს და არა უკრაინა. უკრაინის უბედურება და თითქოს მათთვის ზრუნვის და თავდადების იმიტაცია, ძალაუფლების მიტაცების ჟინითაა ნაკარნახევი. გამოვფხიზლდეთ და ერთიანი ძალით განვდევნოთ კრიმინალი ნაციონალები პოლიტიკიდან. მათი ადგილია ციხეში!“, - წერს ნანა კაკაბაძე.