კასპის მუნიციპალიტეტის მერიის სოციალური დახმარების გამცემი სამუშაო ჯგუფის მიერ, შეჯამდა  მიმდინარე წლის 3 თვის  განმავლობაში სოციალური  პროგრამის ფარგლებში გაწეული  დახმარების შედეგები.

2022 წლის 3 თვეში მერიის სოციალური პროგრამით 452 869  ლარის ფარგლებში  მუნიციპალიტეტში რეგისტრირებულმა 1 121 მოქალაქემ ისარგებლა.

მუნიციპალიტეტში მცხოვრებ სხვადასხვა კატეგორიის დაავადების მქონე მოქალაქეებს,  საშუალება აქვთ ისარგებლონ  მერიის ყოველწლიური სოციალური  პროგრამის 34 მუხლის დახმარებით, რომლის რაოდენობა ყოველწლიურად იზრდება.  2022 წელს დამატებულია ახალი მუხლი - ოჯახური ძალადობის მსხვერპლთა დახმარება.

2022 წლის  სოციალური პროგრამის ბიუჯეტი განსაზღვრულია 1 050 000 ლარის ოდენობით, თუმცა საჭიროების შემთხვევაში საკრებულოს გადაწყვეტილებით დაფინანსება იზრდება  წლის ბოლომდე, რათა პროგრამით გათვალისწინებული დახმარება ყველა პაციენტმა მიიღოს.

„საკუთარი მოქალაქეების ჯანმრთელობაზე ზრუნვა მერიის ერთ ერთი უმნიშვნელოვანესი პრიორიტეტია“, - აღნიშნა  კასპის  მუნიციპალიტეტის მერის მოადგილემ, სამუშაო ჯგუფის ხელმძღვანელმა  ზურაბ კოპაძემ.