უკრაინის ქალაქ ბუჩაში ვიზიტით მყოფმა სისხლის სამართლის საერთაშორისო სასამართლოს მთავარმა პროკურორმა, კარიმ ხანმა განაცხადა, რომ უკრაინა დანაშაულის ადგილია.

„უკრაინა დანაშაულის ადგილია. ჩვენ აქ ვიმყოფებით, რადგან გვაქვს გონივრული საფუძველი, გვჯეროდეს, რომ აქ ჩაიდინეს დანაშაულები, რომელიც სისხლის სამართლის საერთაშორისო სასამართლოს იურისდიქციის ქვეშ არის. ჩვენ უნდა გავფანტოთ ომის ნისლი, რათა სიმართლემდე მივიდეთ“, - აღნიშნა კარიმ ხანმა.