უკრაინის ტყვეობაში დაახლოებით 700 რუსი ჯარისკაცი იმყოფება. როგორც BBC წერს, ამის შესახებ უკრაინის ვიცე-პრემიერმა განაცხადა.

ირინა ვერეშჩუკის თქმით, რუსულ მხარესაც დაახლოებით 700 უკრაინელი სამხედრო ჰყავს ტყვედ. გარდა ამისა, რუსებმა ტყვედ აიყვანეს 1000-ზე მეტი სამოქალაქო პირი, რომელთა ნახევარი ქალია.

რუსეთი უკრაინის ტერიტორიაზე 24 თებერვალს შეიჭრა, რის შემდეგაც პრეზიდენტმა, ვოლოდიმირ ზელენსკიმ უკრაინაში საომარი მდგომარეობა გამოაცხადა.