მთავრობის სტრატეგიული კომუნიკაციებისა და საზოგადოებასთან ურთიერთობის დეპარტამენტის უფროსის მოადგილე ბექა მჭედლიშვილი სოციალურ ქსელში პოსტს აქვეყნებს.

„დღეს პრემიერ-მინისტრმა განაცხადა ისტორიული პროექტის დაწყების შესახებ, რომლის მიხედვითაც უახლოეს 3-4 წელიწადში ქვეყანაში მთელი საჯარო ინფრასტრუქტურის აღდგენა მოხდება.

ირაკლი ღარიბაშვილის ინიციატივით, მომდევნო 3-4 წელში:

* აშენდება 80 და გარემონტდება 800 სკოლა

* აშენდება 90 და რეაბილიტირდება 412 საბავშვო ბაღი

* უკლებლივ ყველა მუნიციპალიტეტში დასრულდება წყალმომარაგების პროექტი და 24-საათიანი რეჟიმით მომარაგდება ყველა მუნიციპალიტეტი და ქალაქი.

* პოლიციელებისთვის, ჯიქიას ქუჩაზე აშენდება 1000-ბინიანი „პოლიციის ქალაქი“,  მსგავსად „სამხედრო ქალაქისა“, რომლის მიხედვითაც, პოლიციელებს 1 კვადრატული მეტრის $100-ად შეძენა შეეძლებათ

* რეაბილიტირდება ყველა პოლიციის შენობა, ყველა სპეციალური სამხედრო და განსაკუთრებულ დავალებათა დეპარტამენტის ბაზა.

* სასაზღვრო სექტორში აშენდება ახალი და გარემონტდება არსებული შენობები.

* მთელი ქვეყნის მასშტაბით დაიწყება ყველა თეატრის რეაბილიტაცია

* აშენდება სამხედრო მუზეუმი

* კრწანისის რაიონში აშენდება კადეტთა ლიცეუმი, რომელიც ახალგაზრდების სამხედრო-პატრიოტული სულისკვეთებით აღზრდას შეუწყობს ხელს.

* აშენდება რეგიონში სანიმუშო, სპეციალური ოპერაციების თანამედროვე სამხედრო ბაზა -  ე.წ. „მუხროვანის ბაზა“,

* 13 000-მდე დევნილი ოჯახი მიიღებს ახალ საცხოვრებელს.

* ყველა მუნიციპალიტეტში რეაბილიტირდება ცენტრალური სტადიონი, ასევე განახლდება და რეაბილიტირდება მინი-სტადიონები

*  ყველა რეგიონში ეტაპობრივად აშენდება სპორტული კომპლექსი

ასევე:

* 1 ივნისიდან სოციალურად დაუცველ ბავშვთა დახმარება 150 ლარამდე გაიზრდება

* პანდემიის შედეგებისგან ფერმერების დაცვის მიზნით, იწყება სასოფლო-სამეურნეო დანიშნულების მიწის ნაკვეთების სუბსიდიის პროგრამა, რომლის მიხედვითაც ფერმერებს ყოველ 1 ჰექტარ მიწაზე დაერიცხებათ 300 ლარი (ქულების სახით) და ისარგებლებს 300 000-მდე ფერმერი.

საქმის კეთება მე ასე მესმის“, - წერს ბექა მჭედლიშვილი.