საპრეზიდენტო დებატების დროს ემანუელ მაკრონმა მარინ ლე პენი რუსეთის ხელისუფლებაზე დამოკიდებულებაში დაადანაშაულა.

„სინამდვილეში, თქვენს ბანკირს ესაუბრებით, როდესაც რუსეთზე საუბრობთ“, - განაცხადა ემანუელ მაკრონმა და 2015 წელს მარინ ლე პენის მიერ რუსულ ბანკში აღებული სესხი იგულისხმა.

„ეს არის პრობლემა, ქალბატონო მარინ. თქვენ დამოკიდებული ხართ რუსეთის ხელისუფლებასა და ბატონ პუტინზე“, - აღნიშნა საფრანგეთის პრეზიდენტმა.

„მან კარგად იცის, რომ ეს ტყუილია. მე პატრიოტი ვარ. მთელი ცხოვრება ფრანგებს ვიცავდი“, - უპასუხა მარინ ლე პენმა ემანუელ მაკრონს.

10 აპრილს ჩატარებული საპრეზიდენტო არჩევნების პირველი ტურის შედეგად, ემანუელ მაკრონმა ამომრჩეველთა ხმების 27.6%, ხოლო მარინ ლე პენმა - 23,41% მიიღო.საფრანგეთის საპრეზიდენტო არჩევნების მეორე ტური 24 აპრილს გაიმართება.