დონეცკი, ლუგანსკი, ხარკოვი - საოკუპაციო ძალები გაძლიერებული შეტევით ცდილობენ ამ ტერიტორიების დაკავებას. ხელწერა ნაცნობია - ოკუპანტები მიზანმიმართულად ანადგურებენ ინფრასტრუქტურას, სტრატეგიულ ობიექტებს და ბომბავენ იმ ადგილებს, სადაც მშვიდობიანი მოქალაქეები იმყოფებიან. ამ დროის მონაცემებით, ოკუპანტებმა დონეცკის აღმოსავლეთში უკვე დაიკავეს 42 სოფელი, უკრაინელი სამხედროები კი ტერიტორიების დასაბრუნებლად შეტევას განაგრძობენ. ბრძოლა გრძელდება მარიუპოლისთვისაც. ომის 58-ე დღეს უკრაინის პრეზიდენტი რუსეთის შესაჩერებლად კვლავ დამატებითი იარაღის მიწოდებას ითხოვს.