გაერო-ს გენერალური მდივანი ანტონიო გუტერეში 28 აპრილს კიევს ეწვევა და პრეზიდენტ ვოლოდიმირ ზელენსკისთან შეხვედრას გამართავს. ინფორმაციას მისი პრესმდივანი ავრცელებს.

ორი დღით ადრე, 26 აპრილს კი, გუტერეშს მოსკოვში ელოდებიან. მთავარი განსახილველი საკითხი უკრაინაში მშვიდობის დასამყარებლად შემდგომი ნაბიჯებია.

უკრაინისა და რუსეთის პრეზიდენტებთან ცალ-ცალკე პირისპირ აუდიენციის მოთხოვნით, ოფიციალური წერილი გუტერშმა ორი ქვეყნის წარმომადგენლებს 19 აპრილს გადასცა.