გერმანიის მთავრობის გადაწყვეტილების საპასუხოდ, რუსეთის ხელისუფლება ქვეყნიდან 40 გერმანელ დიპლომატს აძევებს. ამის შესახებ რუსეთის საგარეო საქმეთა სამინისტროში განაცხადეს.

4 აპრილს, გერმანიის მთავრობამ ქვეყანაში 40 რუსი დიპლომატი პერსონა ნონ გრატად გამოაცხადა.

გერმანიის საგარეო უწყების ხელმძღვანელის, ანალენა ბერბოკის განცხადებით, რუსი დიპლომატები ქვეყნიდან უკრაინაში რუსული ჯარების წარმოუდგენელი სისასტიკის საპასუხოდ გააძევეს.