გერმანიაში უკრაინის ელჩმა ანდრეი მელნიკმა, გერმანიის კანცლერს ოლაფ შოლცს „შეურაცხყოფილი ღვიძლის ძეხვი“ უწოდა. ინფორმაციას ამის შესახებ „Spiegel“ ავრცელებს.

მანამდე შოლცმა უკრაინაში ჩასვლაზე უარი თქვა და მიზეზად ის დაასახელა, რომ კიევი გერმანიის პრეზიდენტის ფრანკ-ვალტერ შტაინმაიერის მიღებაზე ამბობს უარს.

„თავი ისე გეჭიროს, თითქოს შეურაცხყოფილი ღვიძლის ძეხვი ხარ, არც ისე სახელმწიფოებრივი საქციელია“, - აცხადებს უკრაინის ელჩი. მისივე თქმით, მიუხედავად ამისა, ვოლოდიმირ ზელენსკი კვლავ მოხარული იქნება, კიევში ოლაფ შოლცს უმასპინძლოს.

https://www.spiegel.de/politik/deutschland/ukraine-krieg-botschafter-andrij-melnyk-nennt-kanzler-olaf-scholz-beleidigte-leberwurst-a-e8ad90fa-2184-47f2-8e4f-cb050457199c