თბილისის მთავრობის დღევანდელი სხდომა დედაქალაქის მერმა, ნიკოლოზ წულუკიძის ოჯახში დატრიალებული ტრაგედიის გამო, სამძიმრით დაიწყო.

„ჩვენი უახლოესი, ყველასთვის ნაცნობი, საყვარელი ადამიანის, ნიკოლოზ წულუკიძის ოჯახში ძალიან დიდი ტრაგედია დატრიალდა. მინდა, მივუსამძიმრო ოჯახს, ახლობლებს, ნათესავებს, სრულიად საქართველოს. არ ვიცი, რა სიტყვები გამოვძებნო. ეს ძალიან დიდი ტრაგედია, ძალიან დიდი უბედურებაა და მინდა, ნიკას გამძლეობა ვუსურვო და ოჯახს მივუსამძიმრო“, - განაცხადა კახა კალაძემ.

„ტელეიმედის“ წამყვანს, ნიკოლოზ წულუკიძეს მცირეწლოვანი შვილი ტრაგიკულად დაეღუპა.