ჟურნალისტი ჯაბა ხუბუა სოციალურ ქსელში პოსტს აქვეყნებს.

„გამოცხადებული კვდომის ქრონიკა.

7 თვეა, რაც სააკაშვილი ციხეში ზის და ამ 7 თვის განმავლობაში, ბევრი რომ არ ვთქვათ, 7-ჯერ მაინც კვდებოდა.

- მიშა კვდება! - აცხადებდა მისი პირადი ექიმი ნიკოლოზ ყიფშიძე.

- ციხეში შვილს მიკლავენ! - აცხადებდა სააკაშვილის დედა გიული ალასანია.

- თუ მრავალპროფილურ კლინიკაში არ გადაიყვანენ, მიშა ციხეში მოკვდება! - აცხადებდა სააკაშვილის ვექილი ნიკა გვარამია.

- საქართველოს მესამე პრეზიდენტს ციხეში ფარმაკოლოგიური წამებით კლავენ! - აცხადებდა ცენტრ ,,ემპათიას“ პრეზიდენტი მარიამ ჯიშკარიანი.

- მიხეილ სააკაშვილი სასიკვდილო საფრთხის ქვეშ არის! - აცხადებდნენ სახალხო დამცველად წოდებული ლომჯარია და მის მიერ შექმნილი კონსილიუმის წევრები.

- ხალხო, ჩვენს პრეზიდენტს, ქართული სახელმწიფოს დამაარსებელს გვიკლავენ! -აცხადებდნენ ეკა ხერხეულიძე, ხატია დეკანოიძე და სხვა ნაცქალები ციხეში სააკაშვილის ყოველი მონახულების შემდეგ.

- ჩემი საყვარელი ადამიანი პუტინის ტყვეობაში კვდება! - აცხადებდა სააკაშვილის ახალი ცოლი ლიზა იასკო.

სააკაშვილი კვდებოდა ციხეში; სააკაშვილი კვდებოდა გლდანის პენიტენციურ საავადმყოფოში; სააკაშვილი კვდებოდა გორის სამხედრო ჰოსპიტალში; სააკაშვილი კვდებოდა, როცა შიმშილობდა და სააკაშვილი კვდებოდა, როცა შიმშილობის დროს ხბოს ღვიძლის პაშტეტსა და ნატურალურ ხილფაფებს შეექცეოდა.

ახლა სააკაშვილი ისევ კვდება, რადგან მისი სექტის წევრებმა და პატრონ-მყვარებლებმა ციხიდან მის გამოსაყვანად სხვა ვერაფერი მოიფიქრეს!

სააკაშვილი, რა თქმა უნდა, არც ამჯერად მოკვდება!“ - წერს ჯაბა ხუბუა.