პარლამენტის პირველი ვიცესპიკერის, გიორგი ვოლსკის განცხადებით, მსჯავრდებული ექსპრეზიდენტის მიხეილ სააკაშვილის ჯანმრთელობასთან დაკავშირებით ძალიან ბევრი პოლიტიკური სპეკულაციაა.

„ჯანმრთელობის საკითხზე ჩვენ გვახსოვს „ნაცმოძრაობის“ ლიდერების მწვავე და ხისტი განცხადებები, როდესაც ისინი მოუწოდებდნენ სააკაშვილს, არ შეეწყვიტა შიმშილობა და მაქსიმალურად დაეზიანებინა საკუთარი თავი - იგივე მდგომარეობაა დღესაც“, - ამბობს ვოლსკი.

იუსტიციის მინისტრმა განაცხადა, რომ სააკაშვილის ჯანმრთელობის მდგომარეობის გაუარესების თავიდან აცილების მიზნით, მას „ვივამედში“ გადაყვანას შესთავაზებენ. სააკაშვილი შეთავაზებას დათანხმდა.