„Black Sea Arena" - ზე 13 აგვისტო ეროვნული ანსამბლის - „ერისიონის"  დღეა. ქართულ სიმღერასა და ცეკვაში შერწყმული შოუს ელემენტები პროექტს „ქართული საგანძური" კიდევ უფრო დაუვიწყარს ხდის.

სპეციალურად კონცერტისთვის,  საფრანგეთიდან მოწვეული არიან  განათების სპეციალისტები. უპრეცედენტოდ  მასშტაბური  ქართული შოუ „Black Sea Arena" -ს სცენისთვის მომზადდა.   დარბაზის სცენაზე ეს პირველი ქართული კონცერტი იქნება.

„პროექტი, რომელმაც ევროპელი და ამერიკელი მაყურებელი გააოცა საქართველოში პირველად დაიდგმება", - აცხადებენ ღონისძიების ორგანიზატორები.

„ერისიონის" კონცერტის ბილეთების შეძენა შესაძლებელია tkt.ge-ზე. ღირებულება 7-20 ლარს შეადგენს.