აჭარის მთავრობის თავმჯდომარის, თორნიკე რიჟვაძის განცხადებით, 2023 წელს ბათუმში ტურიზმის ოსკარად წოდებული - World Travel Awards-ის დაჯილდოება გაიმართება.

მისივე ინფორმაციით, მსოფლიო ტურიზმის დაჯილდოების ბათუმში გამართვასთან დაკავშირებით შეთანხმებას დღეს მოეწერა ხელი.

„2023 წელს, ბათუმში ტურიზმის ოსკარად წოდებული - World Travel Awards-ის დაჯილდოება გაიმართება. დღეს ხელი მოვაწერეთ შეთანხმებას მსოფლიო ტურიზმის დაჯილდოების ბათუმში გამართვასთან დაკავშირებით“, - წერს თორნიკე რიჟვაძე სოციალურ ქსელში.