„ევროკომისია დაჩქარებული ვადებში მუშაობს ტრიოს აპლიკაციებსა და ანგარიშზე“, - ამის შესახებ ევროკავშირის უმაღლესმა წარმომადგენელმა ჟოზეფ ბორელმა „ქრონიკის“ მიერ კანდიდატის სტატუსის მინიჭებაზე დასმულ კითხვაზე პასუხად განაცხადა​.

„წინასწარ არ შემიძლია ვთქვა, თუ რა იქნება ევროკომისიის მოსაზრებები, მაგრამ ჩვენ ვმუშაობთ ამ თემაზე იმაზე სწრაფად, ვიდრე ოდესმე“, - განაცხადა ბორელმა.

ასოცირებული ტრიოს ქვეყნებმა - საქართველომ, უკრაინამ და მოლდოვამ ევროკავშირში წევრობის განაცხადი რუსეთის მიერ უკრაინაში შეჭრის შემდეგ გააკეთეს. სამივე ქვეყანამ უკვე შეავსო ევროკავშირის კითხვარი. ევროკავშირის წევრი ქვეყნები ევროკომისიის დასკვნას ელოდებიან, რომელიც ევროპულ საბჭოს უნდა გადაეგზავნოს