პარლამენტის ვიცე სპიკერი არჩილ თალაკვაძე ჩეხეთის საპარლამენტო დელეგაციას შეხვდა, რომელსაც სენატის პირველი ვიცე პრეზიდენტი ირჟი რუსიცკა ხელმძღვანელობს.

შეხვედრაზე მხარეებმა საქართველოსა და ჩეხეთს შორის არსებულ თანამშრომლობაზე, საქართველოს ევროინტეგრაციის პერსპექტივაზე, ოკუპაციაზე და რეგიონში არსებულ ურთულეს გამოწვევებზე ისაუბრეს. აღინიშნა, რომ ივლისიდან ჩეხეთი ევროკავშირის თავმჯდომარე ქვეყანა ხდება. ვიცე-სპიკერმა ჩეხ კოლეგებს ევროინტეგრაციის პროცესში საქართველოს მხარდაჭერისთვის მადლობა გადაუხადა.

შეხვედრას საგარეო ურთიერთობათა კომიტეტის თავმჯდომარე ნიკოლოზ სამხარაძე და დარგობრივი ეკონომიკისა და ეკონომიკური პოლიტიკის კომიტეტის თავმჯდომარის პირველი მოადგილე ეკა სეფაშვილი ესწრებოდნენ.