აშშ-ის სახელმწიფო დეპარტამენტის მრჩეველი, დერეკ შოლე დღეს საქართველოს ეწვევა. ოფიციალური ვიზიტის ფარგლებში ის მაღალი რანგის შეხვედრებს ხვალ გამართავს. მათ შორის ხელისუფლებისა და ოპოზიციის, ასევე მესამე სექტორის წარმომადგენლებთან.

ვიზიტის ფარგლებში, დერეკ შოლე ევროპის უსაფრთხოებისა და დემოკრატიული განვითარების საკითხებზე კონსულტაციებს გამართავს.

სახელმწიფო დეპარტამენტის პრესსამსახურის მიერ გავრცელებულ განცხადებაში აღნიშნულია, რომ დერეკ შოლე შეხვედრებზე განიხილავს რუსეთის მიერ საქართველოს რეგიონების ოკუპაციას, კრემლის სასტიკ ომს უკრაინის წინააღმდეგ და იმას, თუ როგორ განვითარდეს საქართველოს მოსახლეობის მისწრაფებები დემოკრატიული, მშვიდობიანი, აყვავებული და ევროატლანტიკური მომავლისკენ.

ვიზიტი ორდღიანია. საქართველოდან სახელმწიფო დეპარტამენტის მრჩეველი ლონდონში გაემგზავრება.