ევროკომისიის პრეზიდენტი, ურსულა ფონ დერ ლაიენი უკრაინისთვის 9 მილიარდი ევროს ოდენობის ახალი მაკროფინანსური დახმარების გამოყოფის ინიციატივით გამოვიდა.

„ჩვენ გავაგრძელებთ უკრაინის გვერდით ყოფნას ომის განმავლობაში და მაშინ, როდესაც ისინი თავიანთ ქვეყანას აღადგენენ. რა თქმა უნდა, ჩვენ უნდა ვიფიქროთ ხვალინდელ დღეზე და აღდგენის უფრო ფართო ძალისხმევაზე. ევროკავშირს აქვს სტრატეგიული ინტერესი ამ აღდგენის ძალისხმევის წარმართვაში“, - აღნიშნა ურსულა ფონ დერ ლაიენმა.