ევროპული საბჭოს პრეზიდენტმა, შარლ მიშელმა განაცხადა, რომ ევროკავშირის გაფართოების პროცესი უფრო ეფექტური და ცოცხალი უნდა გახდეს.

„ჩვენ უნდა გვესმოდეს: დღეს ეს პროცესი ნულოვანი ჯამის თამაშია. ეს იწვევს იმედგაცრუებას ორივე მხარეს, რაც ყოველთვის ცუდი შემადგენელია, როდესაც გსურთ ნდობა გამოიწვიოთ. 19 წელი გავიდა მას შემდეგ, რაც თესალონიკში ევროპელმა ლიდერებმა დასავლეთ ბალკანეთის ხარჯზე გაფართოების ვალდებულება აიღეს. გაფართოების მოლაპარაკებები ჭიანურდება ხან კარგი, ხან ცუდი მიზეზების გამო. ახლა უკვე რამდენიმე კვირაა მაგიდაზე გვკიდევს უკრაინის, მოლდოვასა და საქართველოს მოთხოვნა“, - აღნიშნა შარლ მიშელმა.

ევროპული საბჭოს პრეზიდენტის თქმით, ახლა დროა ახალი იმპულსი შეიქმნას რეფორმების წახალისებისა და ევროინტეგრაციის წინსვლისთვის.

„ვფიქრობ, ეს პროცესი უნდა იყოს უფრო სწრაფი, ეტაპობრივი და შექცევადი. ჩვენ უნდა შევძლოთ, ჩემი აზრით, გაწევრიანების მოლაპარაკებების დროს ჩვენს პარტნიორებს შევთავაზოთ კონკრეტული სოციალურ-ეკონომიკური უპირატესობები, მოლაპარაკებების დასრულების ლოდინის გარეშე“, - აღნიშნა მიშელმა.

მისი თქმით, როდესაც ქვეყანა აკმაყოფილებს აუცილებელ სტანდარტებს ამა თუ იმ სექტორში, მას შეიძლება სათათბირო ხმა მიენიჭოს მინისტრთა საბჭოს მუშაობაში დღის წესრიგისა და მასში შეტანილი თემების მიხედვით. აღნიშნული ქვეყანა ასევე შეიძლება თანდათანობით იყოს ინტეგრირებული ევროკავშირის ყოველდღიურ საქმიანობაში, რადგან დადასტურებულია მისი შესაბამისობა კანონმდებლობასთან.