პოლონეთის პრეზიდენტი ანჯეი დუდა უკრაინაში ჩავიდა და რადაში სიტყვით გამოვა. ამის შესახებ მისმა ოფისმა დღეს განაცხადა.

პრეზიდენტის ადმინისტრაციის განცხადებით, დუდა პირველი უცხო სახელმწიფოს მეთაური იქნება, რომელიც ომის დაწყების შემდეგ უკრაინის უმაღლეს საკანონმდებლო ორგანოს სიტყვით მიმართავს.

ჯერჯერობით უცნობია, თუ რომელ საათზე მიმართავს პოლონეთის პრეზიდენტი მეზობელი ქვეყნის პარლამენტს.