მორიგი დახმარება უკრაინას - პორტუგალია ომში მყოფ ქვეყანას 250 მილიონ ევროს გამოუყოფს. შესაბამის მემორანდუმს ხელი ქვეყნების პრემიერ-მინისტრებმა მოაწერეს. პორტუგალიის პრემიერი, უკრაინაში ვიზიტის ფარგლებში, ქალაქ ირპენს ეწვია. მოგვიანებით კი უკრაინის პრეზიდენტს შეხვდა.

დღეს, უკრაინაში ჩავიდა პოლონეთის პრეზიდენტიც. ანჯეი დუდა რადაში სიტყვით გამოვა. ის პირველი უცხო სახელმწიფოს მეთაური იქნება, რომელიც ომის დაწყების შემდეგ უკრაინის უმაღლეს საკანონმდებლო ორგანოს სიტყვით მიმართავს.