თურქეთში, სახელმწიფო გადატრიალების მცდელობის ბრალდების საფუძველზე 43 ჟურნალისტი, მათ შორის სახელმწიფო ტელე-რადიო კომპანია TRT-ის 40 თანამშრომელი დააკავეს.

გავრცელებული ინფორმაციით, ამ დროისთვის დაკავებული ჟურნალისტების რაოდენობა 100-ს აჭარბებს.

სტამბოლში ბაზირებული ორგანიზაცია Platform for Independent Journalism-ის მონაცემებით კი, 11 აგვისტოს სახელმწიფო ტელე-რადიო კომპანიის 42 ჟურნალისტი დააკავეს, მათ შორის წამყვანებიც. დაკავებულებს შორის არის გამოცემა Zaman-ის კორესპონდენტიც.

სახელმწიფო გადატრიალების მცდელობა თურქეთში 16 ივლისის მოხდა, რასაც თურქეთის 246 მოქალაქე ემსხვერპლა.