ჟურნალისტი იოსებ ჭუმბურიძე ლეგენდარული ჟურნალისტის ალექსანდრე შენგელიას გარდაცვალებას სოციალურ ქსელში ეხმაურება.

 „ალექსანდრე შენგელია!

ერთ დროს ქუხდა ეს სახელ-გვარი!

გაზეთ „ქუთაისის" მთავარი რედაქტორის;

საქართველოს ტელევიზიის ჟურნალისტის;

მახვილკალმიანი პუბლიცისტის...

მისი მგზნებარე პროტესტებიც გვახსოვს;

სიმართლესავით მწარე ეპიგრამებიც...

***

არ ვიცი, როგორ პატივს მიაგებს მშობლიური ქუთაისი.

ეს კი ზუსტად ვიცი:

„კაკაბეთის ზარების“ ავტორი გამორჩეულ დაფასებას იმსახურებს საქართველოს პირველი არხისგან, ანუ საზოგადოებრივი მაუწყებლისგან.

***

უნდა ვიცოდეთ იმათი ფასი, ვინც ჩვენამდე იყო და ქართული ჟურნალისტიკის ღირსებას საბჭოთა ტოტალიტარიზმის ეპოქაშიც იცავდა.

იმ ეპოქაში, როცა უფრო წვიმდა, ვიდრე ქუხდა“, - წერს იოსებ ჭუმბურიძე.