"რა არის რუსეთის მიერ საქართველოს წინააღმდეგ წამოწყებული ჰიბრიდული ომი?

ესაა ენერგოუსაფრთხოების ხელყოფა სტრატეგიული აქტივების შეძენის გზით და ენერგომომარაგებნის დივერსიფიკაციისთვის ხელის შეშლა; საზოგადოებაში გაურკვევლობის სინდრომის დათესვა; მრავალპარტიული პოლიტიკური კონტექსტის პირობებში მოთამაშეების ერთმანეთის წინააღმდეგ წახალისება (Divide et Impera, ანუ დაყავი და იბატონე); ეკონომიკური ბერკეტების გამოყენება (სავაჭრო ემბარგო / შეზღუდვები, ინვესტიციების და ტურიზმის კუთხით შეზღუდვების დაწესება); ქვეყნის მუდმივი ომის საფრთხის პირობებში ყოფნა (რაც წარმოადგენს შოკს ამ ქვეყნის ინვესტორებისთვის, მომხმარებლებისთვის, მსესხებლებისთვის და გამსესხებლებისთვის).

ასევე, სახელმწიფო ინსტიტუტების დასუსტება შიგნიდან - განსაკუთრების ძალოვანი სტრუქტურების დასუსტება, რათა მათ ვერ უზრუნველყონ ქვეყნის უსაფრთხოება - უსაფრთხოება კი ეკონომიკური და სოციალური განვითარების მთავარი საწინდარია.

როგორ გავუმკლავდეთ ამას?

პასუხი ამაზე არის ჯანსაღი ეროვნული და სახელმწიფოებრივი იდეოლოგია - ძალიან მნიშვნელოვანია რომ ხელისუფლებისგან მოდიოდეს ძლიერი, დამოუკიდებლობაზე ორიენტირებული, პროდასავლური იდეოლოგია, რომელიც ქვეყანას უფრო ერთიანს და რეზისტენტულს გახდის გარე გამოწვევებთან მიმართებაში.

ძლიერ სავალალოა, რომ ბოლო 4 წლის განმავლობაში ხელისუფლება მოსახლეობას შეგნებულად ჰყოფს ორ ბანაკად. ამ პოლარიზაციის პირობებში ვერანაირ ერთიან და ჯანსაღ იდეოლოგიაზე საუბარიც ვერ იქნება.

აგრეთვე, მნიშვნელოვანია ენერგოუსაფრთხოება - გვახსოვს, წინასაარჩევნო დაპირებები იმაზე რომ ტარიფი განახევრდება, რომ ტარიფის იმჟამინდელი დონე კორუფციულ ელემენტს შეიცავდა. ეს ბუნებრივია ხელს ვერ შეუწყობდა ინვესტიციებს ამ დარგში.

დასაცავია ე.წ. წითელი ხაზები: ყველა ერთი ქვეყნის შვილები ვართ და უნდა გვესმოდეს რომ მიუხედავად განსხვავებული პარტიული თუ პოლიტიკური მოსაზრებებისა, ეს მტრობა უნდა გადავიდეს მეორე პლანზე როცა ვესაუბრებით გარე სამყაროს",- წერს რურუა სოციალურ ქსელში.