„ამერიკის კონგრესმა 128 მილიონი გამოყო საქართველოში დემოკრატიის განვითარებისთვის. 88 მილიონი მიდის არასამთავრობო ორგანიზაციებზე. მე წინასწარ გეტყვით ვისთან მივა ეს ფული. ეს ფული მივა მათთან, ვინ საქართველოში რეჟიმის შეცვლას ცდილობს“, - ამის შესახებ „იმედი LIVE“-ში კინორეჟისორმა გოგა ხაინდრავამ ისაუბრა.

„ფესვები არ აქვთ მათ ქართული. ეს არ არის მათი სამშობლო. მათ რომ საკუთარი სამშობლოს გულის ძგერა ესმოდეთ ასე არ მოიქცეოდნენ და ასე არ ილაპარაკებდნენ. ასე არ გაიუბედურებდნენ თავიანთ პოლიტიკურ გზაც ის, როგორ გაიუბედურეს, მაგრამ არ არის ეს მათი სამშობლო. ვერ გრძნობენ იმ მოთხოვნილებებს, იმ განცდებს, რომელიც ამ ხალხს გააჩნია“, - განაცხადა გოგა ხაინდრავამ.