უკრაინის ეროვნული უსაფრთხოებისა და თავდაცვის საბჭოს მდივანმა ალექსეი დანილოვმა განაცხადა, რომ რუსეთთან ომი სწრაფად არ დასრულდება. მისი თქმით, გამარჯვება მოითხოვს მთელი სახელმწიფოს ძალისხმევის კონსოლიდაციას.

„სამწუხაროდ, ომი კვლავ გაგრძელდება და გამარჯვებამდე ბევრი გვაქვს გასაკეთებელი. ფრონტზე ძალიან გვიჭირს, ბრძოლები მიმდინარეობს ლუგანსკის, დონეცკის და ჩვენი ქვეყნის სხვა რეგიონების ტერიტორიაზე.

სანამ ისინი არ ამოიწურება, სანამ ბოლო რუსული ჩექმა არ დატოვებს ჩვენს ტერიტორიას, ჩვენ ვერ დავკმაყოფილდებით. რუსეთის ფედერაციის დავალება ჩვენი სახელმწიფოს განადგურების შესახებ არ გაუქმებულა. ჩვენ უნდა ვიცხოვროთ ამით და ჩვენი ყველა გადაწყვეტილება უნდა მივიღოთ ამ აქსიომის გაგებით“, - განაცხადა დანილოვმა.