„ევროპის სახალხო პარტია“, მისი პრეზიდენტის დონალდ ტუსკის მიერ სააკაშვილის წერილის საჯაროდ წაკითხვით და საქართველოს ხელისუფლების მიმართ სრულიად დაუსაბუთებელი ბრალდებების ფრქვევით, ალბათ პირველ რიგში საკუთარ თავს ვნებს, - ასე ეხმიანება ექსპერტი ზაალ ანჯაფარიძე ევროპის სახალხო პარტიის განცხადებას.

„ის იცავს და ამართლებს უმძიმესი ბრალდებების მატარებელ სააკაშვილს, რომელიც ახლა ციხის საკნიდან მისი პოლიტიკური დაისის შემყურე, ყველაფერს აკეთებს, რომ როგორმე ზედაპირზე იტივტივოს და სწორედ ტუსკი და კომპანია, სავარაუდოდ არცთუ უანგაროდ, ეხმარებიან ამაში. და თუ ეს არის ტუსკის და მისნაირების ღირებულებითი არჩევანი, ამით რას ეუბნებიან საზოგადოებას? EPP-მ უნდა იცოდეს და თუ არ იცის, უნდა გააგებინოს ვიღაცამ, რომ ძალიან მწარედ ცდებიან, როდესაც საქართველოს აიგივებენ სააკაშვილთან და ნაცმოძრაობასთან. იქნებ ცოტა შორს გაიხედონ!”- წერს ანჯაფარიძე Facebook-ზე.

„ნაციონალური მოძრაობის“ მოკავშირემ - „ევროპის სახალხო პარტიამ“ განცხადება გამოაქვეყნა. EPP საქართველოში მიმდინარე პროცესებით შეშფოთებულია. „ევროპის სახალხო პარტიის“ შეფასებით, მიხეილ სააკაშვილის მკურნალობაზე უარის თქმა და „მთავარი არხის“ გენერალური დირექტორის დაკავება, დემოკრატიული ინსტიტუტების რღვევის ნათელი მაგალითებია.