ბათუმში, კომპანია „მეტრო სითის“ საცხოვრებელ კომპლექსში ფინანსთა სამინისტროს საგამოძიებო სამსახურის თანამშრომლები არიან შესულები. ადგილზე საგამოძიებო მოქმედებები მიმდინარეობს.

გავრცელებულ ინფორმაციას, რომ ბიზნესმენი გალიფ ოზთურქი დააკავეს, კომპანია „მეტრო სითის“ დირექტორი რაულ კახაძე არ ადასტურებს. მისი განცხადებით, შენობაში საგამოძიებო სამსახურის თანამშრომლები იმყოფებიან და კონკრეტულ განცხადებას კომპანია მოგვიანებით გააკეთებს.