"პარლამენტში, 5-6 ფუნდამენტურ რეფორმაზე ვმსჯელობთ, ძალიან მნიშვნელოვანი საკანონმდებლო ინიციატივები გახმოვანდება ამ და საშემოდგომო სესიაზეც, "- ამის შესახებ საპარლამენტო უმრავლესობის წევრმა, გია ცაგარეიშვილმა „ქრონიკაში“ განაცხადა.

მან აღნიშნა, რომ ეს არის თანმდევი რეფორმები, რომლის აღსრულებისა და შესრულების გარეშე ევროკავშირში ვერ გავწევრიანდებით.

„ეს შეეხება გარემოს დაცვას, აგრარულ სფეროს, ადამიანის უფლებებს, ინფრასტრუქტურას, ეკონომიკას, მის მდგრადობას, საფინანსო და საბანკო სექტორს. ეს არის თანმდევი რეფორმები, რომლის აღსრულებისა და შესრულების გარეშე ჩვენ ევროკავშირში ვერ გავწევრიანდებით. ამ გზაზე ვდგავართ და ამ გზით ფაქტიურად კანდიდატის სტატუსამდე მივედით“, - აღნიშნა გია ცაგარეიშვილმა.