უკრაინის პრეზიდენტმა, ვოლოდიმირ ზელენსკიმ უკრაინის ეროვნული უსაფრთხოებისა და თავდაცვის საბჭოს გადაწყვეტილება აამოქმედა, რომელიც რუსეთის პრეზიდენტის, ვლადიმურ პუტინის წინააღმდეგ სანქციების დაწესებას ითვალისწინებს.

ვლადიმირ პუტინის წინააღმდეგ სანქციები განუსაზღვრელი ვადით ამოქმედდება. სანქციები შეიცავს:

აქტივებისა და ქონების ბლოკირება;

უკრაინიდან კაპიტალის გაყვანის პრევენცია;

უკრაინის ტერიტორიულ წყლებსა და საჰაერო სივრცეში შესვლის აკრძალვა;

ფასიანი ქაღალდების ოპერაციების აკრძალვა;

ვიზაზე უარის თქმა;

უკრაინის სახელმწიფო ჯილდოების ჩამორთმევა და ა.შ.

სანქციები ასევე უწესდება პუტინის პრესმდივან დიმიტრი პესკოვს, რუსეთის პრემიერ-მინისტრ მიხეილ მიშუსტინს, რუსეთის შინაგან საქმეთა მინისტრ ვლადიმირ კოლოკოლცევს, რუსეთის თავდაცვის მინისტრ სერგეი შოიგუს, რუსეთის საგარეო საქმეთა მინისტრ სერგეი ლავროვსა და რუსეთის სხვა მაღალჩინოსნებს.