საქართველოს თავდაცვის სამინისტროს სტრატეგიული კომუნიკაციებისა და საზოგადოებასთან ურთიერთობის დეპარტამენტის უფროსის მოადგილე ბექა მჭედლიშვილი სოციალურ ქსელში პოსტს აქვეყნებს.
“სოცქსელში სხვადასხვა პოლიტიკურად ანგაჟირებული პირები ავრცელებენ ინფორმაციას, თითქოს ირაკლი ღარიბაშვილმა თქვა რომ იქმნება სამსახური, რომელიც სოცქსელში დაწერილ კრიტიკულ პოსტებს და კომენტარებს შეისწავლის. რა თქმა უნდა ეს ინფორმაცია და სქრინი, რომელსაც ავრცელებენ არის ყალბი, პრემიერ-მინისტრს არასოდეს და არცერთ კონტექსტში მსგავსი არაფერი არ უთქვამს და რა თქმა უნდა არანაირი მსგავსი სამსახური არ არსებობს და ვერ იარსებებს!”- წერს ბექა მჭედლიშვილი.