„ლევან გოგიჩაიშვილი არის აქტიური, პატრიოტი ახალგაზრდა, რომელიც ყოველთვის მოვლენათა ეპიცენტრში იდგა", - ასე აფასებს „რესპუბლიკელთა" ლიდერი დავით უსუფაშვილი საბურთალოს # 6 მაჟორიტარულ ოლქში მის კონკურენტს „ქართული ოცნებიდან" ლევან გოგიჩაიშვილს.

„საბურთალოს # 6 საარჩევნო ოლქში დასახელებული ლევან გოგიჩაიშვილი არის ძალიან აქტიური, პატრიოტი ახალგაზრდა. ის ყოველთვის გამოირჩეოდა სითამამით და ძალიან სასიამოვნოა ასეთ ახალგაზრდებთან შერკინება. საბურთალოს ამომრჩეველს შესაძლებლობა მიეცემა, საკუთარი არჩევანი გააკეთოს ჩვენსა და სხვა კანდიდატებს შორის", - განუცხადა ჟურნალისტებს დავით უსუფაშვილმა.

 „დავით უსუფაშვილს დაუყენეს ლევან გოგიჩაიშვილი - რადგან ბანდიტი იყო და ციხეში ნაჯდომია, კარგი ვაჟკაცი იქნება? ვერ გავიგე რა მიდგომაა პარლამენტის თავმჯდომარის მიმართ?", - განაცხადა ბერძენიშვილმა დღეს „ინტერპრესნიუსთან" საუბარში.