უკრაინის საგარეო საქმეთა მინისტრმა, დმიტრო კულებამ კომპანიებს კიდევ ერთხელ მოუწოდა რუსეთის ბაზრის დატოვებისკენ.

„რუსეთიდან გასვლა ბიზნესისთვის არა მხოლოდ მორალურად სწორი, არამედ მომგებიანიცაა. იელის მენეჯმენტის სკოლის კვლევამ აჩვენა, რომ კომპანიები, რომლებიც რუსეთს ტოვებენ, უხვად ჯილდოვდებიან ბაზრების მიერ, ხოლო [რუსეთში] დარჩენილები ფინანსური და რეპუტაციული რისკების პირისპირ რჩებიან. გადით რუსეთიდან, იგრძენით თავი კარგად, მიიღეთ მოგება“, - აღნიშნავს კულება.