"ფულადი ანაზღაურება ახალია და ჩემთვის პირადად, ეს სიურპრიზი არ ყოფილა, იმდენად, რამდენადაც ელენე ხოშტარია შემჩნეული იყო რუსულ კავშირებში," - ამის შესახებ „ქრონიკის“ ეთერში ანალიტიკოსმა ანდრია გვიდიანმა განაცხადა.

მისი თქმით, ელენე ხოშტარია არის „მგიმოს“ კურსდამთავრებული, რაც განსაკუთრებული უნივერსიტეტია და განსაკუთრებული დატვირთვა აქვს ამ უნივერსიტეტში მისი განათლების მიღებას.

„ელენე ხოშტარია შემჩნეული იყო რუსულ კავშირებში. ეს გამოიხატებოდა მაგალითად გავრილოვის კრიზისში მისი მონაწილეობით, მაგალითად პოზდნერის კრიზისში მისი მონაწილეობით და ა.შ. იცით, რომ ელენე ხოშტარია არის „მგიმოს“ კურსდამთავრებული, რაც განსაკუთრებული უნივერსიტეტია და განსაკუთრებული დატვირთვა აქვს ამ უნივერსიტეტში მისი განათლების მიღებას“, - განაცხადა ანდრია გვიდიანმა.

დღეს „ქრონიკამ“ გაავრცელა ინფორმაცია, რომ „დროას“ დამფუძნებლის ოჯახის წევრის ანგარიშზე რუსეთიდან, პერიოდულად, მილიონობით რუსული რუბლი ირიცხება.

მხოლოდ ბოლო სამი-ოთხი თვის განმავლობაში ელენე ხოშტარიას ოჯახის წევრის სახელზე რამდენიმე მილიონი რუსული რუბლი და ათიათასობით დოლარია ჩარიცხული, საერთო ჯამში დაახლოებით 140-დან 150 ათას დოლარამდე, საიდანაც ნაწილი ჩარიცხულია მოსკოვის დიდი თეატრის, ნაწილი კი რუსეთის ფედერალური ბიუჯეტის ანგარიშიდან.

ხოშტარიამ „ქრონიკის“ მიერ მოპოვებული სკანდალური ინფორმაცია დაადასტურა.