უკრაინის პრეზიდენტმა, ვოლოდიმირ ზელენსკიმ განაცხადა, რომ რუსეთის უკრაინაში შეჭრა მთელი ევროპის წინააღმდეგ აგრესიაა და რომ რაც უფრო მეტ იარაღს მიიღებს უკრაინა დასავლეთისგან, მით უფრო სწრაფად შეძლებს თავისი ოკუპირებული მიწის გათავისუფლებას.

„დაგვიანების ან გადადებული გადაწყვეტილების ყოველი დღე არის შესაძლებლობა რუსი სამხედროებისთვის მოკლან უკრაინელები ან გაანადგურონ ჩვენი ქალაქები. არსებობს პირდაპირი კორელაცია: რაც უფრო მძლავრ იარაღს მივიღებთ, მით უფრო სწრაფად შევძლებთ ჩვენი ხალხისა და მიწის გათავისუფლებას. რუსეთის აგრესია უკრაინის წინააღმდეგ მთელი ევროპის წინააღმდეგ აგრესიაა“, - აღნიშნა უკრაინის პრეზიდენტმა.