სხვადასხვა ადამიანი, აანონსებს აქციას, რომლის გამართვასაც აპირებენ თითქოს ირაკლი ღარიბაშვილის მხარდასაჭერად, – ამის შესახებ მთავრობის ადმინისტრაციის სტრატკომის უფროსის მოადგილე ბექა მჭედლიშვილი სოციალურ ქსელ “ფეისბუქში” წერს.

მისი თქმით, ეს არის პროვოკაცია, რომელთანაც ირაკლი ღარიბაშვილს და “ქართულ ოცნებას” არანაირი შეხება არ აქვს.

“სხვადასხვა ადამიანი, მაგალითად როგორიცაა გულბაათ რცხილაძე, აანონსებენ აქციას რომლის გამართვასაც აპირებენ თითქოს ირაკლი ღარიბაშვილის მხარდასაჭერად. ეს თემა აიტაცა ოპოზიციურმა მედიამ და საზოგადოებას ისე ანახებენ თითქოს ეს რეალურად ირაკლი ღარიბაშვილის მხარდასაჭერი აქციაა. გვსურს საზოგადოებამ იცოდეს, რომ ეს არის სუფთა პროვოკაცია, რომელთანაც ირაკლი ღარიბაშვილს, მის მთავრობას და “ქართულ ოცნებას” არანაირი შეხება არ აქვს”, – წერს მჭედლიშვილი.