საერთაშორისო ენერგეტიკული სააგენტოს ხელმძღვანელმა, ფატიჰ ბიროლმა განაცხადა, რომ ევროპა დაუყოვნებლივ უნდა მოემზადოს რუსეთის მიერ გაზის ექსპორტის შეწყვეტისთვის.

ფატიჰ ბიროლმა ევროპი მთავრობებს მოუწოდა, შეამცირონ მოთხოვნა და ატომური ელექტროსადგურები სამუშაო მდგომარეობაში შეინარჩუნონ.

„რუსული გაზის სრულად გათიშვის შემთხვევაში, „ვროპა მზად უნდა იყოს. რაც უფრო ვუახლოვდებით ზამთარს, მით უფრო გვესმის რუსეთის განზრახვები. მე მივიჩნევ, რომ რუსეთის მიერ გაზის მიწოდების შემცირება მიმართულია იმაზე, რომ ევროპის საცავების შევსება ვერ მოხერხდეს და ზამთრის თვეებში რუსეთმა თავისი ბერკეტები გაზარდოს“, - აღნიშნა საერთაშორისო ენერგეტიკული სააგენტოს ხელმძღვანელმა.