ქალაქ კასპის სკოლამდელი აღზრდის ხუთ დაწესებულებაში გასართობი ატრაქციონების მონტაჟი დასრულდა.

დასრულებული სამუშაოები კასპის მუნიციპალიტეტის მერმა ვახტანგ მაისურაძემ და მერის მოადგილემ ზურაბ კოპაძემ დაათვალიერეს.

საბავშვო ბაღებში გასართობი სივრცეები 4 სახეობის გასართობი საშუალებებით აღიჭურვა და დასასვენებელი სკამებიც განთავსდა.

როგორც ვახტანგ მაისურაძემ განაცხადა, პროცესი გაგრძელდება იქ, სადაც ასეთი კონსტრუქციები არ არსებობს ან მოძველებულია და განახლების საჭიროებაა.